مبدأيا التعليمات دى متجربة ومضمونة لكن حضرتك حتطبقها على مسؤليتك الشخصية!!
.
.
.
- الصبح وانت رايح على شغلك وهى نايمة تعمد اسقاط اى شئ اوخبط الباب بصوت عالى علشان تصحيها هى كمان .. اشمعنى انت صحيت؟
- أما لو حاولت ترجع تنام تانى قول لها مادام صحيتى حضري الفطار بقى :p
.
.
.
- اصحى يوم الجمعة بهمة ونشاط وجهز الافطار لزوجتك بس متنساش انك تستخدم15 طبق واكبر كمية من الملاعق والشوك و 5 حلل من اللى عندكم فى المطبخ و عشر اكواب لاعداد طبق بيض وسندوتش جبنة!!
- طبعا يراعى ترك اثار سمن على الارض مع ترك الثلاجة مفتوحة وقشرالبيض فى الحوض
.
.
.
- فى عيد ميلادها زين لها تورتة عيد ميلادها بخمسين شمعة ولو سألتك لية خمسين رغم ان عندها15سنة بس؟ إتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة :)
.
.
.
- لو المدام عملت ريجيم حضرتك تجرى على أأقرب ماركت أو باتيسير وتملى الثلاجة شكولاتة وحلويات وجاتوهات!!
- يراعى وبشدة التجول وانت مستمتع بأكل الجاتوة امامها ;)
.
.
.
- متنساش رأيك فى أكلها يعنى لو عاملة لحمة قول لها إن الفراخ دى ممتازة!! ومثلاً لو عملت فاصوليا .. يبقى إية؟ .. علطول تقولها جميلة اوى الملوخية دى!! حاطة عليها اية يا حبيبتى ؟؟ لكن لو عملتلك كيك (وأكيد حيبقى خسارة فيك) تقولها انا بحب اشرب شاى مع البسكويت الحلو دة
.
.
.
- لو طلبت منك تنشر الهدوم قولها حاضر مع ابتسامة حانية وبعد ما تخلص نشر الهدوم ادخل عليها وقولها انا نازل اجيب الهدوم اللى وقعت منى فى الشارع!!
- ولو سألتك هو اية اللى وقع؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك
.
.
.
- لو المدام قررت تنظيف الارضيات فى البيت حاول انك تروح وتيجى على المناطق المبلولة متحجج بأنك محتاج تتصل ضرورى بواحد صحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية!!
- لو كانت مشغولة فى نظافة البيت او مع الاولاد وطلبت منك تغسل أكواب الشاى الخاصة بالإفطار علطول ترجعلها كمان دقيقة من دخولك المطبخ وانت ماسك كوباية منهم وهى مكسورة واسألها فى براءة ارمى دى فين ؟؟
.
.
.
- وانت قاعد تتفرج على التلفزيون وهى طالع عينها فى تنظيف البيت وبعد ما تخلص تقولها بكل حنيه ... معلش ممكن كوباية ميه علشان ضهرى بيوجعنى؟ :D
.
.
.
وماتنسوش تدعولى لما تخرجوا بالسلامة من المستشفى :D
.
.