 |  |
| محمد منير أغاني محمد منير أخبار محمد منير حمل أغاني محمد منير |
| | |
| محمد منير أغاني محمد منير أخبار محمد منير حمل أغاني محمد منير |
| |||||||
 |
| أدوات الموضوع | انواع عرض الموضوع |
10-Jul-2008, 03:54 PM
| #1 | ||
| المشرف العام  |
على احد المواقع الالكترونية فى الشبكة العنكبوتية كانت تلك الانتقادات اترككم معها -----------------------------------  طيب ينفع اللى بيحصل, هى دى مكانة منير الحقيقة!, ناخد الموضوع واحدة واحدة , منير عمل شريط من احلى الالبومات ليه, وبعدين قعد تلات شهور يدور على شركة توزيع عشان الدعاية والذى منه, واخيرا يتفق مع محسن جابر (منه لله) واستيشرنا خير لما شفنا اول اعلانين للالبوم وقلنا الدعاية هتبقى جبارة لان محسن جابر مش خسران حاجة لانه موزع بس مش موزع ومنتج , وتتسرب السامبلز للالبوم قبل معادها بشهر كامل لغاية ما قربنا نزهق منهم ونحفظ الاغانى من قبل ماتنزل , والمصيبة الاكبر ان بعدها محسن جابر اكتفى بالاعلان التعبان اللى تقريبا صوره من شباك عربيته وهو ماشى فى الشارع يعنى مش صارف عليه مليم فى حين انه عامل اعلانات جبارة لعمرو مصطفى وهيفاء وهبى, والادهى انه باع الالبوم رينج تونز واغانى كاملة لشركة فودافون, اللى للامانة هى اللى تعتبر عملت الدعاية للالبوم, بس كان من الطبيعى ان الالبوم يتسرب قبل معاده باسبوع لكن برغم كل ده لما ينزل يعمل صدى حلو, طيب وبعدين, ما خلاص محسن جابر وفودافون شالو ايديهم من الالبوم واكتفوا برمى الالبوم فى السوق , فين البوسترات العملاقة والاعلانات فى كل حتة .. سكمن بكمن, واللى زاد الطين بلة ان موقع مشوار منير اتقفل بالضبة والمفتاح , ليه الله اعلم!!!!!!! والنتيجة البوم شيرين ينزل .. البوم مافيهوش الا تلات اغانى جديدة والباقى قديم.. خير ده فى صالح منير , وبعدها تيجى البشرى الاكبر اللى اتحولت لفضيحة , ان تامر حسنى نزل اكتر البوم واقع ليه من ساعة ماغنى, والفضيحة ان برغم سوء الاغانى فى الالبوم لكن هنا ظهر الفرق الواضح فى الدعاية مابين مؤسسة عملاقة زى عالم الفن ومزيكا , ومين... نصر محروس!!!! اللى غرق القنوات كلها بالدعاية للفيلم - حتى قنوات الرياضة ! والنتيجة اتفضلوا وشوفوا فين منير من تامر وشيرين [عزيزي الزائر يتوجب عليك التسجيل للمشاهدة الرابطللتسجيل اضغط هنا] منير بقى صاحب المركز التالت بعد البومين مالهومش اى لازمة , وابقى سلمولى على كليب كان فاضل اللى ذهب ولم يعد!!!! التعديل الأخير تم بواسطة طارق الاهلاوى ; 10-Jul-2008 الساعة 04:10 PM. | ||
|      |
| Sponsored Links | ||||||||
|
|
10-Jul-2008, 03:55 PM
| #2 | ||
| المشرف العام |
هجص ايه يا برنس مش دا موقع فيرجين ستورز اللى احنا قعدنا نفتخر ان منير هناك على القمة بارقام المبيعات مش باستفتاء مطبوخ, انت عارف جيراننا التيمورية طايرين من الفرح بمركز البوم تامر حسنى بعد ما كانوا مسخرة الديفيدى كله بسبب سوء مستوء البوم تامر , ودلوقتى بيلمحوا للالبوم منير لما قالوا ان تامر استطاع فى فترة قصيرة انه يتفوق على البومات مطربين كبار نزلوا البوماتهم من اكتر من شهر , لو يرضيك يتقال كده على منير يبقى الارقام دى هجص فى هجص ومنير هيعمل مبيعات تكسر الدنيا ومش بعيد انه هيفوز بالميوزك اوورد !!!!! | ||
|
| |
|
10-Jul-2008, 03:56 PM
| #3 | ||
| المشرف العام |
والله عندك حق محسن جابر وأبو اليزيد قبل محسن جابر أبو اليزيد نتصل بيه ونسأله يقولك الألبوم آخر الشهر أو بعد إسبوعين تلاته كأنه ولا مدير أعمال ولا زفت بالنسبه للدعايا انا مش عارف منير ساكت ليه منير كبير وكبير أوى كمان ده أمر مفروغ منو بس برضو لازم دعايا وإلا الألبوم هيتنسى بسرعه انا بشوف بوسترات واحد إسمه سعد الصغير واحد زى ده عار على كلمة مطرب بس الدعايا بتاعته فى كل الشوارع والرقاصة الفاجرة اللى إسمها هيفاء برضو نفس النظام وبرضو تامر وهيفاء نفس النظام الدعايا بتاعتهم فى كل القنوات لدرجة إنى والله بزهق من كتر ما بسمع أغانيهم فى الفضائيات والإعلانات بتاعتهم حتى النغمات للموبايلات منير مهمش فيها جداً كإنه مش بيغنى أصلاً شوف كام مرة بتلاقى إعلان رينج تون لهيفاء أو إليسا أو غيرها وكام مرة شوف فيها حاجة زى كده لمنير فين الدعايا كام مرة شوفت كليب لهيفا ولا لنانسى حتى لو قديم على أى قناه وكام مرة شوفت كليب لمنير بيعدى أسابيع وولا ميلودى ولا مزيكا بيجيبوا ليه كليب واحد ولا حتى إعلان للألبوم نجوم إف أم برضو مهمله فى حقه الألبوم لما نزل الإسبوع الأول ليه كانوا بيجيبو منه حاجات بعد إسبوع مفيش حاجة تقريباً مفيش تسويق للأغانى مفيش دعايا عدله مفيش داعى أقول ده إسمه ايه علشان محدش يزعل منى | ||
|
| |
|
10-Jul-2008, 03:58 PM
| #4 | ||
| المشرف العام |
والله بالطريقة دى ولو استمر الوضع كده, فبدون مبالغة البوم منير( هيتفرم) فى الصيف ! ومن مين؟ اى حد من تلامذته هيعمل دعاية كويسه احسن من القرف اللى عمله محسن جابر,دحنا لسه فى اول الصيف والبوم منير يقع من تامر وشيرين , تامر اللى كان ليه صورة صغيرة جدا فى البوم ليه يادنيا اللى تصدره منير وخالد عجاج, بقى دلوقتى متفوق بالارقام على الكينج, تخيلو ايه الوضع لما الصيف يحمى اكتر, الصيف ده زحمة طحن فبعد عمرو مصطفى وتامر وشيرين .. نازل قريب أصالة وانغام ومحمد حماقى وسميرة سعيد وسامى يوسف..والله مش بعيد ده كمان يعلى عليه ! عارفين ايه الفرق بين منير وعمرو , ان عمرو بيهتم بتفاصيل الدعاية قبل حتى مايخلص الالبوم, والدليل ان فى حفل توقيع عقد روتانا قال ان الالبوم هينزل فى شهر 12 والدعاية هتبتدى من شهر نوفمبر, ابصم بالعشرة من دلوقتى ان لو عمرو نزل البوم غنى فيه ريان يا فجل هيكسر الدنيا , وبتسألو ليه منير فقد مكانته كمطرب الشباب الاول!!!! | ||
|
| |
|
10-Jul-2008, 04:00 PM
| #7 | ||
| المشرف العام |
انا مختلف معاكوا..كل حاجات المراكز والمواضيع دي فالغالب بتبقي مجاملات مش اكتر..اول البوم نزل كان منير..حطوا شويه فوق..لان ملوش منافس..دلوقتي شيرين نزلت..حطها فوق لأن منير اخد حقه وعمل مبيعاته..تامر جه حطه فوق لانه لسه نازل وهكذا..ياجماعه الناس الي بتبيع شرايط فمصر منير وعمرو..ومحدش يقنعني ان كل الي شافوا شريط شيرين هايشتروه..وكمان مش كل الي بيسمعوا تامر بيشتروا شرايط..انا اعرف اتنين تامر بالنسبالهم اهم حاجه فحياتهم وعمرهم ماشترو شريط واحد..العمليه مش كده خالص..ولو منير كان مكانته اقل من كده كان زمانه زي محمد الحلو والحجار كل فين وفين شريط وكل فين وفين منتج يوافق عليه .. وبعدين كبروا دماغكوا م المواضيع دي..السلعه الجيده بيبقي ليها مكانها وجمهورها وبتفرض نفسها سيبكوا من الاعلانات مدفوعه الاجر..كام واحد هايروح الحفله من غير ماشاف اعلان واحد للحفله فالتليفزيون؟ بيبقوا كام يعني...ثانيا تكثيف الاعلانات والكليبات الي شايفينها بروباجاندا علشان تعمل حركه وتنشيط للسلعه..مش سلعه عارفين وواثقين فشعب مستنيها..ايه ياخوانا ده منير مش ابن امبارح يعني !! | ||
|
| |
|
10-Jul-2008, 04:01 PM
| #8 | ||
| المشرف العام |
والله اتمنى انه يكون كلامك صحيح , واتمنى من الشركة توضيح ونشر ارقام المبيعات الحقيقية او حتى تفبرك اخبار عن الرقم زى ماعملت روتانا لما البوم عمرو اتهاجم بسبب الليلادى وكان هيقع عشان التسريب, لما صرحت ان الالبوم عدى المليون نسخة فى اسبوعين!!!!!! واتوقع ان التصنيف ده اسبوعى مثلا عشان كده الاقبال كان اكتر نسبيا على البوم تامر وشيرين عشان لسه نازلين اصلها بصراحة تبقى فضيحة لو دى كانت ارقام المبيعات ككل .. يارب الحفلة تعوض قلة الدعاية, ويستغل نجاحها فى انه يفرج عن الكليبين الحبيسين ويدوس فى التالت قبل ما تعب الكينج يضيع هدر | ||
|
| |
|
10-Jul-2008, 04:02 PM
| #9 | ||
| المشرف العام |
كلمة نختم بيها الموضوع الكبير كبير يا محمد منير كفاية ان جمهور منير رجالة و اعية و جمهور تامر شوية ششش ملين البلد انا اول مرة اشوف البوم ينزلة 14 اغنية و كلهم يا بيحب واحدة وكرفاة يا حب واحد و كرفها يا قاعد ةمع نفسة و بيفتكر حببتة يا واحدة مطرقعالة و قالبة يا يبشكى حظة ووحدة لما اترمى فى السجن وبردة بيحب فى السجن اصلة متسجنش وينزل شريط اتعملة دعايا كويسة وفيلم الابيض واسود هو لسة فى حد فى 2008 اسمة هيما واختة توتااااااا ارحمونا بقى يا جماعة منير دايما على القمة كفاية فى قلب جمهورة و كبير فى نظر جمهورة و الناس | ||
|
| |
|
10-Jul-2008, 04:04 PM
| #11 | ||
| المشرف العام |
مكانه منير معروفه..... وبرغم المبيعات والترتيب الوهمي اللي هو فيه بس اسأل الناس كلها هايقولولك ان البوم منير احسن البوم بدون منازع واللي هايقولك غير كده هايبقى بيضحك على نفسه احترم جمهوره و عمل البوم يدرس احسن من قله الادب اللي نازله في الالبومات التانيه تامر بقى مطرب المراهقين بكل صراحه وبينزل كلام قبيح وبيزودها وشيرين ضحكت على الناس باغنيتين بس وعمرو مصطفى محتاج حنجره تاني عشان يبقى مطرب معقول طول عمرك ملك ......يا منير | ||
|
| |
|
10-Jul-2008, 04:05 PM
| #12 | ||
| المشرف العام |
انا شايف ان موضوع الدعاية والاعلان عن الالبومات بتاعت منير من زمان فعلا وهى مش واخده حقها ماعدا البوم فى عشق البنات والبوم احمر شفايف ودول هما اللى خدوا حقهم شوية فى الدعاية سواء بوسترات او دعاية فى القنوات الارضية والفضائية وايضا تصوير كليبات رائعة منها على سبيل المثال ( أنا بعشق البحر - أقرار ) والذين حتى الان بيتذاعو على القنوات الفضائية اما بعد ذلك لايوجد دعاية حقيقية لمنير وأعتقد ان منير هوالسبب فى هذا الموضوع لان المشروطه محطوطة هو لما بيجى يمضى العقد مع الشركة بيكون فيه بند الاعلانات فأين الاعلان والدعاية وأنا من رأى ان منير نفسة لازم يأخد بالة شوية من الموضوع دة لان فى مطربين كتير قوى واحدين حقهم جدا فى موضوع الدعاية والاعلان دة وان واحد من الناس بتمنى ان شوف بوستر كبير لمنير مالى الشوارع ومحلات الكاسيت ولكن للاسف مافيش !!! | ||
|
| |
|
| الكلمات الدلالية (Tags) |
| منير, منير-, انتقادات, حرام, صراخ, عشاق, ومقارنات, والله, وتامر, وشيرين) |
الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
| |
والله حرام ( صراخ عشاق منير- انتقادات ومقارنات بين منير وتامر وشيرين) 
العرض العادي
