| |||||||
| المنتدى العام خاص بالمواضيع العامة التي لا تندرج تحت عنوان محدد |
 |
| أدوات الموضوع | انواع عرض الموضوع |
28-Mar-2008, 06:16 PM
| #1 | ||
| المشرف العام  تاريخ التسجيل: Nov 2006 الدولة: مصر
المشاركات: 3,718
معدل تقييم المستوى: 5  |
 سين سؤال: إيه أول موقع بتدخل عليه في النت أول ما تفتح الكمبيوتر؟"بعد عرب اونلاين وطبعا!" جيم جواب 1: الفيس بوك طبعا.. أنا ما أعرفش أبدأ يومي إلا بعد ما أدخل عليه وأشوف أخبار "الوشوش" والناس وأعرف مواعيد الحفلات والاحتفالات وكمان أشوف آخر الصور اللي حطّها أصحابي على البروفايل بتاعهم.. هو الفيس بوك وليس سواه! جيم جواب2: يوتيوب طبعا.. أنا ما أعرفش أبدأ يومي إلا بعد ما أدخل عليه وأشوف آخر الفيديوهات الجديدة اللي اترفعت عليه.. ده أنا لو ماتشات امبارح فاتتني باشوف الاجوان بتاعتها على اليوتيوب.. ولو حلقة العاشرة مساءً أو "عمرو أديب" عدِّتني لازم أتابعها على اليوتيوب.. هو اليوتيوب وليس سواه! -- -- -- -- -- -- -- -- -- -- -- -- طب بالراحة بالراحة.. استنى بس ياعم أنت وهو.. مش خناقة هي "الفيس بوك" جميل و"اليوتيوب" أمور وكل الإحصائيات تشير إلى أنهما أكثر المواقع شعبية مش في مصر بس لأ في مستوى العالم كله.. وحسب موقع alexa الشهير الذي يقدم ترتيب المواقع من حيث عدد الزوار في كل دول العالم..  فإن الفيس بوك يحتل المركز الثالث في مصر ويليه بمركزين اليوتيوب.. رغم أنه عالميا اليوتيوب متفوق... وترتيبه عالميا في المركز الثاني وبعديه في المركز السادس بييجي الفيس بوك.. وفي كل الأحوال فده معناه أن الموقعين دول من أهم المواقع وأكثرهم شعبية على الإنترنت فعلا.. والغريب أن الموقعين نفسهما يتم تصنيفهما على أنهما من المواقع الاجتماعية.. صحيح الفيس بوك.. أكثر صراحة في هذه النقطة لأنه أصبح وسيلة أساسية للتواصل والتعارف بين كتير من البشر اللي كان من المستحيل أن يحصل بينهم كل هذا التواصل إلا عن طريق الفيس بوك.. لكن برضه اليوتيوب.. يتم التعامل معه بوصفه موقعا اجتماعيا مش لأنه وسيلة تعارف ولكن لأنه وسيلة معرفة واطِّلاع على لقطات فيديو بعضها شديدة الندرة وبعضها كان من المستحيل إن كتير من سكان العالم يشوفوها إلا عن طريق اليوتيوب وبس..  طب سيبك بقى من الناس بتوع بلاد بره وتعال نتكلم عننا احنا.. خلاص عرفنا كده إنك "يوتيوبي" أصيل.. أو "فيس بوكي" خبرة.. أو الاتنين مع بعض مش مشكلة.. بس تقدر تقول لنا بقى انت استفدت إيه من استخدامك لـ"فيس بوك" و"اليوتيوب"؟ يعني زي ما أنت عارف أي استخدامات بيكون ليها حاجات كويسة وحاجات مش ولابد الكويس أنت عارفه.. واللي مش ولابد أنت عارفه برضه! بتسأل يعني؟ ماشي ياعم.. يعني زي وجود جروبات "مش ولابد" على الفيس بوك.. أو استخدام الفيس بوك في التشهير بناس فيه ناس تانيين عاوزين يضروهم "مش هانقول لك ازاي طبعا!.. أيوه أنت عارف!" وعندك اليوتيوب بقى.. عيشة! وفيه اللي بيستخدمه كقناة -غير مشفرة- ممكن يتفرج من خلالها على الحاجات "اللي مش ولابد برضه"! يعني فيه كده وفيه كده..  أنت بقى بتستخدم الفيس بوك واليوتيوب في إيه بالظبط؟ يعني بتهتم بالمشاركة مثلا في الحملات اللي بيتم تنظيمها في الفيس بوك؟ وممكن تؤسس لجروب عليه عشان تحقق هدف معين؟ ولاّ مساحته عندك بتقف على حد التعرف على بنات جديدة وبالعكس؟ لما بتنظم حفلة في الجامعة، أو لما تسمع عن حفلة -تانية غير بتاعة الجامعة!- حلوة قوي هتتعمل في الساقية ولاّ في الأوبرا ولاّ حتى في حي زينهم.. بتكتب عنها في الفيس بوك بحيث كل أصحابك وأصحاب أصحابك وأصحاب أصحاب أصحابك يعرفوها.. ولاّ بتطنش ومش طالبة وجع دماغ؟ وفي اليوتيوب.. حصل مرة إنك رفعت عليه مقطع فيديو لحاجة أنت صورتها مثلا؟ أو لحلقة من برنامج مهم؟ ولاّ برضه واقف عند حد الفرجة وبس؟ يعني م الآخر في الفيس بوك واليوتيوب.. لسه واقف عند سنة أولى إنترنت"تسلية" ولاّ الحمد لله كبرت وبقيت كويس والأمور وصلت إلى حد المعرفة وتوصيل المعلومات وتبادل الأفكار والخبرات اللي أنت بتشترك في صنعها؟  يعني أنت ويّا الفيس بوك واليوتيوب.. جهاز إرسال بس.. ولاّ جهاز استقبال بس.. ولا الاتنين مع بعض؟
__________________ عايزانى ليه لما تقوليلى باعشقك .. ماصرخش و أملا الكون أهااااااااات ... آآآآآه آآآآه آآآآه  | ||
|      |
لو كنت "فيس بوكي" أو "يوتيوبي"..! | Sponsored Links | ||||||||
|
|
الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
| |
الساعة الآن 10:49 PM.
Search Engine Optimization by vBSEO 3.1.0