| |||||||
| قسم مصر ام الدنيا تجمع شباب وبنات مصر ام الدنيا وعاصمتها القاهره هنا |
 |
| أدوات الموضوع | انواع عرض الموضوع |
09-Mar-2008, 09:03 PM
| #1 | ||
 عضو جديد  تاريخ التسجيل: Dec 2007
المشاركات: 20
معدل تقييم المستوى: 0  |
بسم الله الرحمن الرحيم أطفال الشوارع وطبعا كلنا عارفين وقرينا عنهم وكلنا اتفاعلنا معاهم او اتأثرنا بيهم يمكن كان هو السبب فى احساسنا بالتقصير يمكن كان هو السبب فى رغبتنا فى المساعده والمشاركه يمكن صحيت جوانا حاجات كنا فاكرينها ماتت خلاص وبقى الكل بيسأل فين البدايه والكل نفسه يشارك والكل نفسه يساعد والكل نفسه يؤدى دوره عشان كده انا جاية النهارده ومعايا خطوط عريضه لمشروع ممكن نمشى عليها بس الخطوط دى لوحدى مش هاقدر اعمل بيها حاجه وبيكم ان شاء الله هانعمل كل حاجه انا هاطرحها عليكم وهنتناقش فيها وهنعدل فيها وهنغير فيها لحد مانوصل لبرنامج محدد نقدر نمشى عليه عشان نقدر نوصل لافضل نتيجه ممكنه بإذن الرحمن مراحل المشروع المرحله الاولى : دراسه وفيها هناخد كورس مكثف هانتعلم فيه ازاى نتعامل مع الاطفال المشردين او اطفال الشوارع زى ما المجتمع القاسى بيطلق عليهم مكونات الكورس ا- دراسه نفسيه طفل الشارع وكيفيه التعامل معه ب- معلومات عن اطفال الشوارع فى مصر ج- معرفه الهيئات والمنظمات ودور الاستقبال المهتمه بأطفال الشوارع د- دائره حوار مفتوح مع متخصصين فى الطب النفسى وعلم الاجتماع هـ -اختبار فى نهايه الكورس المرحله التانيه : التدريب وده هايتم بالتنسيق مع ادارات مراكز الاستقبال والاقامه والجمعيات الاهليه وهيتم فيه: ا- مشاهده ومتابعه بصريه داخل مراكز الاستقبال النهاريه ب- مشاركه فعليه ومنظمه داخل مراكز الاستقبال النهاريه ج- مشاهده ومتابعه بصريه داخل مراكز الاقامه المؤقته والدائمه د-مشاركه فعليه ومنظمه داخل مراكز الاقامه المؤقته والدائمه هـ- مشاركه وتفاعل خارجى " فى الشارع" المرحله الثالثه : الممارسه هاتتم على مرحلتين 1- ممارسه مؤسسيه: ودى هاتكون بالتعاون مع المؤسسات اللى اتدربنا فيها وهى ا- مراكز استقبال نهاريه ب- مراكز اقامه : مؤقته ودائمه ج- دور تربيه د -دور رعايه: احداث وملاجئ هـ- تفاعل خارجى : فى الشارع 2- مبادره انقذ صديق ودى مبادره هانفعلها بعد مانكون اخدنا الخبره الكافيه فى كيفيه التعامل مع الاطفال وهى ان كل واحد من المشتركين بالفريق هايكون مسؤل عن تأهيل طفل من الاطفال المشردين هو اللى هايتعرف عليه وهواللى هايتعامل معاه وهو اللى هايأهله وده طبعا بتعاون الفريق كله مع بعض ومع بدايه المرحله الثالثه هنكون نظمنا الفريق اكتر وكمان قسمناه للجان مختلفه زى -علاقات عامه - دعايه - لجنه طبيه - لجنه دينيه - لجنه تعليميه - لجنه رياضيه - لجنه حرفيه - لجنه تعليميه - لجنه فضفضه - لجنه فنيه واللجان دى هايكون دورها هو العمل على تأهيل الاطفال اللى هايكون اصدقاء اعضاء الفريق وكمان هايتعامل مع المؤسسات وهايتعاون معاها دى كده بإختصار المراحل كلها وطبعا فيه نقط مهمه لازم ناخد بالنا منها 1- ان المشروع ده مش هيكون محدد بالناس الموجودين فى القاهره بس يعنى ان شاء الله هايكون فى ربط وحلقات وصل بينا وبين اى حد عاوز يشتغل معانا والبرنامج عنده الصلاحيه لكده 2- ان الموضوع ليه جدول زمنى محدد يعنى كل مرحله من المراحل اللى اتكلمت عنها ومحطوطلها جدول زمنى تقديرى انا ماكتبتوش بس اكيد هانتناقش فيه بعدين 3- ده مجرد الخطوط العريضه للموضوع 4- وكل الكلام ده قابل للمناقشه والتعديل والتغيير للوصول الى ما هو افضل 5-ان الموضوع ده من غير تفاعل منكم واهتمام وتحمل مسؤليه مش هايكون ليه اى قيمه انا خلصت وفى انتظار تفاعل الناس اللى نفسها تساعد نفسها انها تعمل حاجه عند ربنا وكمان نفسها تعمل حاجه للاطفال دول
__________________  | ||
|      |
حلم كبير بس خطوة خطوة | Sponsored Links | ||||||||
|
|
09-Mar-2008, 09:27 PM
| #2 | ||
| عضو جديد تاريخ التسجيل: Dec 2007
المشاركات: 20
معدل تقييم المستوى: 0 |
منتظرة ردودكم ومشاركتكم معانا وان شاء الله اللى يحب يشارك معانا دة ميل الفريق على الهوتميل atfal_ad_elhaiah@live .com ودة على الياهو [عزيزي الزائر يتوجب عليك التسجيل للمشاهدة الرابطللتسجيل اضغط هنا] ودة على الياهو جروب [عزيزي الزائر يتوجب عليك التسجيل للمشاهدة الرابطللتسجيل اضغط هنا] ودة على الفيس بوك [عزيزي الزائر يتوجب عليك التسجيل للمشاهدة الرابطللتسجيل اضغط هنا]
__________________ | ||
|
| |
|
29-May-2008, 07:03 PM
| #3 | ||
| مشرف منتدى السيارات+ منتدى مصر عضو ماسي تاريخ التسجيل: Oct 2007
المشاركات: 1,537
معدل تقييم المستوى: 0 |
بسمله انا الصراحه مش عارف اقولك ايه وربنا معاكم فى المشروع الجميل ده وان شاء الله نشارك معكم من اجل مجتمع افضل لمصر بلدناااااا تحياتى ليكى وللمشروع الهايل ده
__________________ | ||
|
| |
|
11-Jul-2008, 01:23 AM
| #4 | ||
| تاريخ التسجيل: Jul 2008
المشاركات: 137
معدل تقييم المستوى: 0 |
شكرا يا بسملة على الفكرة الجميلة دى اللى دخلت دماغى اوى و ان شاء الله هاكون مشاركة ايجابية و هكون مجموعة فى بلدى سوهاج و هنبدا بالشروط دى عشان نخلى لمص صورة جميلة فى العالم و نحاول نتقدم بمصر . شكرا يا جميلة على المضوع الجميل ده | ||
|
| |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
| |
الساعة الآن 12:31 PM.
Search Engine Optimization by vBSEO 3.1.0