ملخصات تهم كل شخص يريد انشاء بروكسي

بسم الله الرحمن الرحيم بعد التجارب المريرة التي خضتها في عالم البروكسي ولانو انا اختصاصي بس بروكسي
بدي اشرحلكم شو هو البروكسي بالضبط واحتياجاتك الو ومتى بيلزم

هلاء انتا لو عندك مؤسسة كبيرة مترامية الاطراف وبدك تربطها مع بعضها وعملت شبكة وشغلت انترنت ووزعت على هادي الشبكة طبعا بدك الية للتحكم بالشبكة وتقسيم المستخدمين والتحكم بالباندويدث وحجب المواقع وعمل تقارير عن نشاطات المستخدمين والشغلة الاهم الي هي الويب كاشينق web caching وبدنا نعرف شو هي الويب كاش يعني ازا انتا فتحت موقع اول ما تروح لشغلك لنفترض موقع اخباري راح يتخزن هاادا الموقع بالكاش الموجودة بالبروكسي سيرفر وازا اجا اي زميل الك يفتح الموقع راح يعمل السيرفر شغلة اول شي انتا راح تتصفح الموقع من السيرفر بسرعة اتصالك بالسيرفر المحلي يعني 100 ميجا او واحدغيغا ازا كان كرت الشبكة والسويتشات عندك واحدغيغا وأثناء تصفحك للمموقع من السيرفر راح يقارن ازا صار تعديل على الموقع ولا لاء وازا صار تعديل راح على طول يقوم منزلو يعني بدل ما يقعد كل ما بدك تفتح موقع يروح ينزل الصور ويفتح الموقع وما بعرف شو بتلاقيه بثواني بيكون فتحوا وازا صديق الك نزل ملف وانتا جيت تنزلوا ما تتفاجئ ازا طلبتو من الموقع ونزل بثواني على جهازك لانو بيكون مخزن بالسيرفر طبعا الكاش بتعتمد على الرام والهارد وكل ما زاد عدد المستخدمين بيلزمك رام اكبر الهارد انتا بتحدد كام ياخد منو مساحة للكاش وشو يخزن ملفات فيه يعني نوعهم و حجم الملفات

طيب شو هو الشي الي بيلزمنا لتشغيل البروكسي سيرفر من قطع
1-جهاز P3 او اعلى اهم شي يكون سرعتو منيحة يعني معالجو فوق 700 ميجا هرتز والرام فوق 256 ميجا وهادا بيكفي تشغل عليه فوق ال 60 مستخدم يعني بيكون وضعو جيد بدنا معو شاشة بس لفترة مؤقتة على ما نجهزويعني وبس وبع هيك بنصير نفوتلو شيل يعني من الكوماند لاين
2-بدنا كرتين شبكة يفضل يكونوا من نوع 3com
3-بدنا خط انترنت
4- بدنا نسخة لينكس centos enterprise 4 او ريدهات بس السينتوس منيح لانو بيعمل ابديت
5- بدنا نسخة squid وهدا هو الشغل كلو فيه لانو هو البروكسي واسم الملف الي فيه الاعدادت كلها squid.conf وهدا ملف بنعدل فيه بعض الاوامر بتلاقيه بيعمل العجائب طبعا هو بينزل تلقائي مع اللينكس بس لازم تحددوا اثناء التنزيل ومجاني
6- بدنا برنامج للدخول SSh من الاجهزة التانية على الشبكة للسيرفر مثل برنامج putty
7-بدنا برنامج webmin وهدا مليت وانا احكي للناس عنو انو افضل برنامج فري لوحكة تحكم بتنفع لجميع السيرفرات سواء اباتشي سيرفر او بروكسي او اي شي وطبعا فري هاي لوحة التحكم البسيطة لتقدر تفوت للسيرفر وتتحكم فيه عن طريق المتصفح خاصتك من اجهزتك على الشبكة
8 -وبنحتاج برنامج زغير اسمو sarg وهدا الموديول بينحط لتوليد الريبورتس عن الشغل الي بيعملوا لمستخدمين وطبعا احلى شي يوم ما تيجي تفتحوا بتشوف الفضائح بالساعة والتاريخ والدقيقة هيهيههيهيهيهيهيه
9- بنحتاج لسكريبت يعمل كترانسبيرنت بروكسي ليخلي البروكسي سيرفر يعمل كراوتر ويوجه جميع المنافذ للاجهزة بالشبكة لانو انا صارت معي واكيد في اعضاء كانوا يحكوا معي على المسنجر وشلاحظوا هاي المشكلة انو انا الكلام على المسنجر بيوصلهم مرة واحدة بيتجمع بيتمع وبيروح مرة واحدة وهيك شي ومشاكل انو الياهو ما بشتغل عن طريق البروكسي لانو البورتات ما بيكون معمول الها فورورد وفي سكريبت زغير بنحطوا وبنغير الاعدادات حسب شبكتنا كلو بيسير تمام
10- ممكن نحط انتي فايروس
11- وممكن للي ما عندو ايبي ثابت يروح لشركة نو اي بي No Ip ويسجل معهم فور فري وينزل موديول زغير على السيرفر بيسير يفتحوا من اي منطقة بالعالم ويعر ف شو المستخدمين بشبكتوا بيفتحوا
12 بنحتاج لتركيز شوي وانسجام مع اللينكس لانو هو نظام شوي جامد لكنو راااااائع

ملاحظة كل البرامج موجودة ما عدا السكريبت الزغير بدي احطو بمشاركة اوكي واشرحوا

شكرا على المرور .....................................

أكيد هبة في شخص بيكون مدير الشبكة Administrator بيقدر يشوف كل شي ببيحصل على الشبكة وكل حزمة بيانات طالة وكل حزمة بيانات نازلة والباندويدث المقصود فيه هو كمية البيانات المتدفقة في الشبكة سواء انترنت او معلومات او اي شي تاني ويسلمو كتير على مرورك

شكرا أختي العزيزة جوجو على مرورك الحلو