مرحبا يا حلوين ..
كيفكم ؟ ان شا الله تمام؟
انا حبيت أفتح مدونتي اليوم ، راح أعرفكم بنفسي:
الاسم : دينا
العمر :17 سنة
انا خلصت تانية ثانوي والحمد لله والسنة اللي جاية توجيهي (يا رب تعيني)
حصلت في تانية ثانوي على نسبة _منيحة_ 94.3 % طبعا بتقدير ممتاز
طبعا أهلي شجعوني وحكولي : ان شا الله بتجيبي النسبة هاي في توجيهي وان شا الله أعلى ..
راح أبدا أحكيلكم عن يومي اللي كان كتيييييييييييير حلو مع السمك..
الثلاثاء 3/6/2008
بدا نهاري من الساعة 6 ونص (أهلي بيصحو مع الديك معلش )
اجو اخوتي الخمسة كل واحد بالدور ، دينا يالله تعالي افطري
ما تحركت أبدا ، اجت ماما وبعدها أختي ، ساعتها عصبت وحكيت :مين ياربي في هادا الزمن بيفطر على الساعة 6 ونص الصبح..
صحيت على الساعة 8 وأنا نعسانة لأني نمت على 1 ،
طبعا رتبت مع ماما البيت صارت الساعة 10 ، اجى موعد الأعدة على الكمبيوتر ، وصار بيني وبين ماما حوار :
ماما : وين يا حلوة رايحة ؟؟
انا : يعني ما عرفتي .. بدي أفتح الكمبيوتر .
ماما : لا لا لا ،اليوم الغدا سمك وبدي اياكي تساعديني فيه .
انا : يا الله والله مليت منو السمك ففففففففففففففففففف
سمك سمك سمك، امبارح أكلنا سمك كمان اليوم..
ماما : يالله تعالي
انا : حاضر
وطبعا صار لنا فترة كبيرة بناكل سمك ، سميتهم _عشاق السمك_
وانا ما بحب السمك كتييييييييير ، ماما شافتني معصبة حكتلي : كلي سمك انا عارفاكي بتحبيه كتير.. وصارت ماما تضحك
المهم خلصت ماما من السمك الساعة 2 ، تغدينا سمك وانا ما أكلت غير سمكة وحدة يتيمة، صارت الساعة 3 فتحت الكمبيوتر وفتحت المنتدى وحبيت أكتب المدونة ، وفعلا كتبتها...
وتوتة توتة خلصت حدوتة اليوم